上課講鹹古 常出鹹豬手

上課講鹹古　常出鹹豬手

男教師涉性騷擾女生　遭校方停職調查

爆出醜聞的是全港擁有十間附屬學院的香港傳藝中心，旗下名為通用商科語言學校的高中學校，位於荃灣海壩街。據悉，最少有兩名學生向校方投訴。涉事的教師姓朱，主授中文、通識和旅遊。他執教鞭約十年，曾在另外兩間學校任教。


有校內人士表示，朱在通用教書經常使出「鹹豬手」，嚇到女學生花容失色，「女學生搵佢傾兩句，佢就借啲意摸手摸腳，又成日講黃色笑話，不過班女學生笑唔出囉！」


該 名校內人士續指，通用全部學生三十多人，教師得三名，作為教師之一的朱，幾乎每班都有份任教，「班學生唔鍾意讀書，走堂率已經高，家仲多件鹹豬手，搞到 更多人唔返學，有啲班得返兩、三個人，或者全男班，有啲就淨係上其他老師嘅課。」有男學生因為無法阻止朱非禮同班的女朋友，決定退學兼寫匿名信予校方。另 有學生已向教育局投訴。

朱被指對女學生行為不檢點，被校方要求休假協助調查，圖為朱自己在網上發放的圖片。

見女嗒糖見仔退堂」

記者喬裝實習教師到校園了解事件，一 名就讀中六的女生一聽記者提起朱的名字，即變得十分激動，「個色魔乜都可以講成鹹濕嘢！有次得我同另一個女仔上佢堂，佢又講埋嗰啲嘢，我就唔睬佢行開，點 知佢越逼越埋，逼到我埋牆，仲撲過嚟用兩隻手夾實我個膊頭，搞到我要擒枱走人！」她曾多次向其他教職員投訴，惟情況未有改善。


有教職員亦表示，朱「見女嗒糖、見仔退堂」，「女學生問多佢兩句，又話人鍾意佢，仲成日三更半夜打電話畀人，做老師唔應該咁嘛！」

本報也曾接獲電郵爆料，指他在上課期間，問女學生「 Bra帶乜顏色」，又自誇曾與多名女學生上床，令女學生十分困擾。

朱在網上的言論亦十分出位，記者在其 Facebook，看到一篇他轉寄給該校一名女學生的留言，「我覺得有沒有深度沒大關係，最重要既係有……」，並附上 5組釘的圖片，旁邊寫上「又長、又粗、又硬」，內容十分露骨。

大律師陸偉雄表示，凡在當事人不情願的情況下，進行身體接觸，「唔一定係私處，就算身體任何部位」，都會觸犯非禮罪，一經定罪，最高可判監禁十年。他指出，該名鹹濕教師「明知女學生唔想畀人掂，但仲夾實人地個膊頭」，明顯已犯非禮罪。

教局人員到校召見

本報上周四向校方查詢，校方書面回覆表示，未接獲有關同學投訴，但由於事態嚴重，已要求朱自行放假，停職助查，並鼓勵受害女生向校方舉報。但記者發現原來校方一早知悉朱的惡行，並早在今年 4月向他發出警告信，內容指收到學生投訴，指控朱在課堂經常談及有關「性」的話題。


記者直接找到校長李香濤，李才承認曾聽過學生抱怨被朱性騷擾，且就事件面見朱，但強調「呢啲唔算係正式嘅投訴」；由於朱「冇承認、亦冇否認」，校方在沒有真憑實據下，只能發警告信以作警誡。


教育局在截稿前未有回覆，不過記者曾在校園，目擊有教育局人員到校召見朱，其後有教職員透露，教育局來訪與性騷擾一事有關。