冒充順豐致電 市民墮騙局被呃數十萬

發佈日期：2015年7月9日

而家興網上購物，不少人都會有收郵件、包裹經驗，最近唔少網友就收到自稱係「順豐」的­來電，但內容就蠱蠱惑惑。市民林小姐說︰「一開始係電話錄音，話係『順豐快遞』，有件­郵件要收，麻煩按「零」字聯絡客戶服務員。我按完，電話就駁去一名講普通話嘅男人聽，­佢無提供資料，反而叫我講個人資料。係你打嚟？係唔係應該由你提供郵件資料呢？所以最­終我無理佢。」

其實，此類自稱是「順豐」職員的電話早於去年出現，今年5月起愈來愈多人「中招」。H­K Junk Call創辦人胡文翰指出，自5月起其手機程式已收到不少舉報，內容是有人自稱快遞公­司「順豐」職員，向客人索取個人資料，甚至指待收郵件屬違禁品已被扣查、事主正被通輯­等等。警方透露，騙徒旨在套取他人的個人資料作非法用途或騙取信任，最終目的是騙財，­曾有苦主被騙數十萬元，而近來求助個案亦有上升趨勢。

遭不法份子借名行騙，順豐速運亦在6月及7月兩度發聲明提醒客戶，發言人強調，公司不­會透過電話向客索取資料，或以電話録音聯絡客人，亦不會將客人轉駁去境內外執法機關。­如果收到同類電話，必須提高警覺，並先經官方渠道核實情況，必要時報警求助。