“bid出彩虹”問題多多 有騙局feel ( 請各會員留意#44 ) 
按此打開] [隱藏]
近日，“bid出彩虹”呢個網站都幾heat，身邊都有唔少朋友對距產生興趣。小女子也被人推銷過，並從他們口中得知呢個bid網既玩法以及所謂既“必賺”運作模式，經計算及分析後，發覺問題多多，有騙局feel，故小女子在此和大家share下（資料來源可能有誤，歡迎大家隨時指正）
“bid出彩虹”顧名思義系一個bid網，用戶只要用USD1200(價格有所浮動)開一個AC，然後AC附帶2000點bid點，用戶每bid一下就會用1點，故此每個AC最多bid2000下，當中可以bid既產品全部都是高檔名牌手袋，手錶，電子產品……
大家可能覺得奇怪，為何bid野要bid2000下咁誇張？冇錯，呢個所謂既bid野其實系一個“開口中”遊戲，供應者（大佬）在供應一樣野出黎既時候會set一個價錢，而呢個價錢不會超過原價既50%，然後比人有0開始落bid，每bid一點，價錢就up 0.01美元，直至有人點中大佬所set既價位，咁呢件高檔產品就會以低於原價50%歸那人所有…….所以呢個可以解釋點解要bid2000下咁誇張。
大家大致瞭解呢個網站既玩法，咁小女子同大家share呢個網站所謂既吸引之處：
1.
上述所講既半價購買高檔產品，take16G IPAD4 as an example, $1800 bid 返黎，
放去先達都有$3400-3500，系唔系冇得輸呢？
2.
每日任務之穩賺法($140/day), 網站指出，用戶只要每日online 消耗20點，咁網站每日就會回贈$140 (當中$70為現金，另$70系電子帳金)，AC 100日為一個cycle，換言之，咩都唔洗做，只要每日login亂bid 20野，咁100日就會收到$14000(140x100), 咁$14000-$9300=$4700($9300為開AC既費用USD1200x7.75)。$4700/$9300=50%, 100日就可以穩賺50%，同期滙控（0005）都系得4.5%息，咁你話系唔系又冇得輸。
3.
開心share之抽傭法，講真咁“荀”既賺錢方法點可以唔同親朋戚友開心share？每拉一個人入會，你就可以抽$2580傭金，朋友再介紹朋友，你又可以抽上抽..咁又系冇得輸。
4.
總結上述幾點，只要你電腦配置唔差，每日完成任務，口才了得，每月賺50k不是夢，同期做AO/EO新仔都冇呢個數既一半，咁你話點會輸呢？？？
睇完上述呢幾個必勝法則，大家是否概歎辛辛苦苦讀咁多書，日日返工面對Hi口Hi面既上司，日爬夜爬由point15爬至point19竟然不敵一個網站？？
其實，燦爛終究歸於平淡，當大家都陶醉在“冇得輸”的時候，其實有沒有仔細思想過為何你咁易發達？為何它咁易令你發達？為何它有本事令你發達？
原先小女子以為此網站透過吸引大量人群瀏覽，從而勁賺廣告費，但出奇既系，此網站一個廣告都見唔到。後來，由朋友口中得知，呢個網站之所以可以咁屈機系因為有以下收入模式：
用返16GIPAD 作例子“1個AC賣USD1200（HKD9300），內有2000
bid點，故平均每bid點系USD0.6。一部IPAD賣USD500左右，在此網站以半價出售，故賣USD250，因為用戶每落一bid點就可以把價錢推高USD0.01，所以假設大佬真系set呢部野既售價為250，咁姐系話要既bid點為250x100=25000點，頭先講左每點要USD0.01，故25000x0.6=USD24999.4，再減去部IPAD既USD250，咁網站既net profit為USD24999.4-250=USD24749.4 哇……24749.4/250=99…….一部IPAD轉手就可以賺接近100倍，咁網站點會冇錢派比你呀？？？？
Hey，計算到呢度既時候，大家要停一停，諗一諗 幾個問題。
1.
網站賺既錢系由邊個比距？？（咪用戶lo，靠食人bid點推高netprofit至100倍架嘛）
2.
咁用左你D錢，又點可以每日回贈$140比你，然後100日後，你就可以安袋$14k呢？ （咪因為有傻仔再用錢推高D產品，然後用距地D錢回比你lo，簡單而言，用後人既錢黎養你地呢班“有錢人”）
3.
既然網站冇外來收入，只靠“塘水滾塘魚”咁黎不停在個籠裏面運作，咁你點解可以肯定你唔會系最後上車果個呢？（你會答：點會咁好彩呀？ 咁我唯有祝君好）
總結，一個只靠圈用戶錢，但又冇外來實質收入既網站，所謂既百倍盈利其實系靠用戶既點數谷上去，但另一方面卻可以offer半價產品，100日必賺50%既承諾比用戶。小女子自問讀得書少，唔識賺呢D大錢…..各位有意在此網站大展拳腳既朋友，睇路啦…….
打手文章~~~~
反正我是被導入騙局, 由來是欠親戚29萬好幾年還剩15萬, 親戚年頭對我說如果我可以還多8萬就一筆勾銷, 我當然立即籌錢, 我問為何給我這個OFFER,他說參加了BETTER LIVING, 初時我感覺一頭霧水, 再與身邊朋友研究原來是一種融資計劃, 存在有風險, 每個戶口HKD9098, 每日派大約70+其他BOUNS大約4個月回本, 總之4個月內公司健在就無問題, 最吸引是不用好像以往傳銷公司硬要每月購買產品, 賣不去還要逼會員買, 這處只要每日按20個BID就完成, 算過風險回報後, 對於我身為SHIPPING CLERK只有10000月薪是非常吸引, 本身公司是MSP POWER的子公司, 而BETTER LIVING在香港註冊為有限公司, 尖沙咀新文華中心有OFFICE, 所以我就在農曆年過後籌得13萬多開15個ACCOUNT, 到現在手握75個ACCOUNT月入差不多18萬, 共收過百萬分紅, 有10多個朋友一起玩, 6月遲工在家湊仔仔, 叫做可以做以前不能做的事, 多多時間陪細路仔及老公, 去歐洲旅行, 裝修屋企, 與人一起投資物業, 給仔仔參加多點課外活動, 我現在已經玩得十分熟練
感覺是這樣生意無可能長此下去, 總有一天會完結, 越早參加越好, 主要靠每天分紅, 其次介紹人分紅, BID物品就比較困難, 我從開始只BID到3部手機, 2個手袋, 1部相機, 4個IPAD, 2只錶, 所以不要想靠賣物獲利, 一直心想公司就來完結, 但近期只見不斷擴充, 越來越多品種貨品BID, 很多內地人拿著大批現金走到OFFICE開戶, 所以放心了, 18號開始加價, 由9089加至9989, 所以我加多了12個ACCOUNT, 其實業務應該還可以下去, 因為有另外3個網又開展相同業務, 當然規模少得多, 希望公司可長久一點, 儲夠錢會開一間泰國餐廳, 畢竟我是個泰菜高手
